Elkartea

DONOSTIA MUSIKA dirua irabazteko asmorik gabeko elkarte kulturala da, musika sustatu eta bultzatzeko sortutakoa.

Batetik, DONOSTIA MUSIKAk herritarrei musika irakatsi eta ezagutarazi nahi die, nahiz eta ongi dakigun lan hori lan zabal eta korapilatsua bilakatu daitekeela. Bestetik, elkartetik zale eta musikari berrienei euren lekua bilatzen erraztu nahi die, publikoaren aurrean ezagutarazteko laguntzak emanez.

Helburu horiek denak betetze aldera, elkarteak bakarkako proiektuak ez ezik beste erakundeekin elkarlanean egindakoak ere daramatza aurrera. Azkenik, esan beharra dago musika arlo desberdinen arabera banatuta dagoela elkartea eta bakoitzak musika estilo diferente bat ordezkatzen duela: Euskal-Musika, klasikoa, jazz, rock, pop… Hauetako bakoitza estilo konkretu horietan lan egin nahi duten zaleentzat irekita egongo da.

DONOSTIA MUSIKAK:

1. Musikarekiko zaletasuna sustatu eta erraztuko du.
2. Talde eta bakarlariei, entzuleen aurrean ezagutaraztea ahalbidetuko die.
3. Hirian aurkitu daitezkeen musika sentitzeko moduei babesa emango die.
4. Kontzertuak eta mota guztietako musika emanaldiak antolatuko ditu.

1. ONDOKO IHARDUERA HAUEK SUSTATU ETA ERRAZTU:

1. Hitzaldiak eta proiekzioak azalpenekin.
2. Bidai musikalak.
3. Musika ikastaroak.
4. Asteko albiste buletina.
5. Web orria
6. Iritzi foroak.

ONDOKO IHARDUERA HAUEI LAGUNTZA EMAN:

1. Kontzertu publikoak.
2. CD eta DVD grabaketak.
3. Lehiaketak.

ONDOKO IHARDUERAK BILDU ETA BABESTU:

1. Donostiako musika eta dantza eskolen bilkura ahalbidetu.
2. Musika mota bakoitzeko departamentuak sortu, horietan interesaturik daudenak biltzeko.

KONTZERTUEN ANTOLAKUNTZA:

1. Departamentu bakoitzean sortzen diren bakarlari edota taldeen kontzertuak.
2. Bestelako kontzertuak.